«Aýyl naqyshtary» fotobaıqaýy jarııalandy

Shy­ǵarmashylyqtyń osynaý erekshe túrine aıryqsha mán be­rip, fotograf qııaly ar­­qyly ásem­­dikke jan bi­ti­­rýdi kóksegen «Aýyl» ha­lyq­tyq-demokratııalyq pat­rı­ottyq partııasy men «Egemen Qazaqstan» gazeti ujymy 2018 jyldyń 3 ma­myry men 1 qa­rashasy aralyǵynda «Aýyl naqysh­ta­ry» taqyrybynda fotobaıqaý jarııalaıdy.

«Aýyl naqyshtary» taqyryby boıynsha ótkiziletin fotobaıqaý EREJESI

1. Jalpy erejeler

1.1. Fotobaıqaý uıymdastyrýshylary – «Aýyl» halyqtyq-demokratııalyq patrıottyq partııasy» QB jáne «Egemen Qazaqstan» respýblıkalyq gazeti» AQ (budan ári – Uıymdastyrýshylar). Mekenjaı: 010000, Astana qalasy, Almaty, 1 k-si, «Asyltaý» BO, 010008, Astana q., Egemen Qazaqstan k-si, 5/13.

1.2. Fotobaıqaýǵa jas ereksheligine, mamandyǵyna jáne qyzyǵýshylyqtaryna qaramastan, Qazaqstan Respýblıkasy azamaty bolyp tabylatyn barlyq kásibı jáne áýesqoı fotograf qatysa alady.

1.3. Árbir qatysýshy baıqaýǵa 3 sýretke deıin usyna alady. Baıqaýdyń taqyryby – «Aýyl naqyshtary». foto­lar týǵan ólkeniń ásem kórki men turǵyndarynyń kel­beti, aýyl turmysy men tirshiligi, tabıǵatty aıalaý kó­ri­nisterin qamtýy jáne Qazaqstan Respýblıkasy terrı­torııasynda túsirilgen bolýy tıis. Bir avtor tarapynan baıqaýǵa usynylǵan 3 sýret janry, taqyryptyq sı­paty jáne mazmuny jaǵynan ártúrli bolýy shart.

1.4. Fotobaıqaýdyń bastalýy: 2018 jyldyń 03 mamyry.

1.5. Fotobaıqaýdyń nátıjesin shyǵarý: 2018 jyldyń 01 qarashasy.

1.6. Baıqaýǵa qatysýshylardyń sýretterine kele­si­deı tehnıkalyq talaptar qoıylady:

– JPG formatynda bolýy;

– pıksel kólemi 3 000-nan kem bolmaýy;

– árbir sýrettiń kólemi 5 Mb-tan aspaýy tıis.

1.7. Fotolar «Fotobaıqaýǵa» degen aıdarmen auyl.kz saıtyna joldanýy tıis.

2. Baıqaýǵa qatysýshylardyń quqyqtary men mindetteri

2.1. Qatysýshy baıqaýǵa óz sýretin jibere otyryp, fo­tonyń avtory ózi ekendigine jáne ol eshkimniń av­tor­­lyq quqyǵyn buzbaıtyndyǵyna, sondaı-aq sýret bu­­ryn eshqandaı fotobaıqaýǵa usynylmaǵandyǵyna já­­ne eshqandaı basylymda/ınternet-resýrsta jarııa­lan­baǵanyna kepildik beredi.

2.2. Fotobaıqaýǵa qatysýshylar avtorlyq jáne sa­baqtas quqyqtardyń saqtalýy boıynsha jaý­ap­ker­shilikti óz moınyna alady. Baıqaýǵa qaty­sý­shynyń sý­ret­terine qatysty úshinshi taraptan qandaıda bir shaǵym tús­ken jaǵdaıda qatysýshy máseleni óz múmkindikterine súıenip, tıisti shyǵyndaryn óz esebinen jabý arqyly she­shýge mindetteledi.

2.3. Qatysýshy baıqaýǵa óz sýretin jibere otyryp, fo­tobaıqaýǵa qatysýǵa kelisim beretindigin jáne osy Ere­jede kórsetilgen baıqaýdyń sharttarymen keli­se­tindigin rastaıdy.

2.4. Qatysýshy baıqaýǵa óz sýretin jibere otyryp, Uıymdastyrýshylarǵa bolashaqta óz fotola­ryn «Egemen Qazaqstan» gazeti betterinde, Uıym­das­ty­rý­shy­lardyń saıttary (www.auyl.kz, www.egemen.kz) men áleýmettik jelilerdegi resmı paraqshalarynda avtor­lyq qalamaqysyz jáne kommersııalyq emes maq­satta shekteýsiz kólemde paıdalanýǵa kelisim beredi. Uıymdastyrýshylar fotobaıqaýǵa qatysýshynyń sýretin árbir qoldanǵan kezde avtordyń aty-jónin tıisti talaptarǵa sáıkes kórsetetin bolady.

2.5. Baıqaýǵa jiberilgen sýretter kelesideı jaǵdaı­lar­da fotobaıqaýǵa qatystyrylmaıdy:

– foto baıqaýdyń taqyrybyna saı kelmese;

– sýrettiń shyǵarmashylyq jáne tehnıkalyq sapasy óte tómen deńgeıde bolsa;

– foto erotıkalyq mazmunda bolsa, sondaı-aq sý­ret­terde zorlyq-zombylyqqa, násildik jáne dinı tóz­beý­shilikke shaqyrý belgileri kórinis tapsa;

– anonımdi (avtor týraly naqty ári shynaıy aq­parat berilmese) bolsa.

2.6. Uıymdastyrýshylardyń tıisti sapalyq jáne teh­nıkalyq talaptarǵa saı kelmeıtin sýretterdi av­tor­ǵa sebebin túsindirýsiz baıqaýǵa qatystyrmaýǵa qu­qyǵy bar.

2.7. Baıqaýda júldeli oryn alǵan fotosýretterdi uı­ym­dastyrýshylardyń óz saıttary men áleýmettik je­li­d­egi resmı paraqshalarynda jarııalaýǵa quqyǵy bar.

3. Fotobaıqaýdyń nátıjesin shyǵarý

3.1. Baıqaýdyń jeńimpazdaryn «Aýyl» halyqtyq-de­mo­kratııalyq patrıottyq partııasy» QB jáne «Egemen Qazaqstan» respýblıkalyq gazeti» AQ qyzmet­ker­lerimen qatar, táýelsiz fotograf-sarapshylardan tu­ratyn qazylar alqasy anyqtaıdy;

Baıqaý marapattary:

1-orynǵa 500 000 teńge;

2-orynǵa 300 000 teńge;

3-orynǵa 200 000 teńge.

• «Kóptiń kózaıymy» atty arnaıy syılyq: 100 000 teńge («Aýyl» partııasynyń saıtynda jarııalanyp, iriktelip alyn­ǵan fo­tolardyń ishinen eń kóp daýys jı­na­ǵan fotosýretke taǵaı­yn­da­lady). Daýys berý 2018 jyldyń 16 qyrkúıeginde bastalady

• Demeýshilerdiń arnaıy syılyqtary

3.2. Baıqaý jeńimpazdary anyqtalǵannan keıin Uıym­dastyrýshylar jeńimpazdarǵa fotobaıqaý nátı­je­sin elektrondy poshta arqyly habarlaıdy.

3.3. Jeńimpazdar júldelerin alý úshin fotobaı­qaý­dyń je­­ńimpazy atanǵany týraly habarlama alǵannan keı­ingi otyz kúnniń ishinde Uıymdastyrýshynyń meken­jaı­yna óz­­derimen birge tólqujattaryn ala kelýi tıis. Je­ńim­paz ma­­rapatyn alýǵa ózi kele almaıtyn jaǵdaıda, júl­de­ge se­nimhatta aty-jóni kórsetilgen ókili arqyly ne­mese uı­ym­dastyrýshynyń elektrondy poshtasyna (auyl-pat­ri­ot­@ma­il.ru) óz tólqujatynyń kóshirmesin, banktegi esep­sho­ty­nyń nómirin jáne naqty poshta ad­re­sin jiberý ar­qyly qol jetkize alady.

3.4. Jeńimpazdar osy Erejeniń 3.3 tarmaǵynda kór­se­tilgen talapty oryndamaǵan jaǵdaıda syılyqqa ıe bolý quqyǵynan aıyrylady.

3.5. Eger jeńimpaz Uıymdastyrýshylarǵa banktegi esepshotynyń nómiri men poshta adresin jiberýde qate­lik­ke jol berip, nátıjesinde syıaqy men syılyq oǵan jet­pese, Uıymdastyrýshylar marapatty jetkizýde óz min­det­terin tolyq oryndaǵan bolyp esepteledi.